Baile ur Gaidhlig Aig Fionnlaigh

Freagairtean dhan deasbad seo

Ceangal seasmhach Freagairt air a toirt le John Morton 13 an Dùbhlachd 2008 aig 9:30pm

Sin a dhuil mise, gu mi-fòrtanach.

▶ Thoir freagairt

Ceangal seasmhach Freagairt air a toirt le Des Scholes 14 an Dùbhlachd 2008 aig 12:24am

Thuirt Fhionnlaigh nach robh clann ann an Foghlam tro mheadhan na Gàidhlig ga cleachdadh taobh a-muigh na sgoile agus nach bhiodh ach ‘s docha aon as gach ceud dhiubh a’ bruidhinn gàidhlig dhan cuid cloinne san àm ri teachd. Mur a thèid tar-chur Gàidhlig san dachaidh ciamar a thig fior dà-chànanachas air an t-suidheachadh? An e dìreach geama àireamhan a th’ ann an dràsta? Mar as àbhaist bha a chuid bheachdan a’ dol dhan teas meadhan suidheachadh na Gàidhlig an-diugh. ‘S e sin ri ràdh dè an dòigh as fheàrr gus coimhearsnachd Gàidhlig a’ togail oirnn taobh a-muigh na sgìrean traidiseanta? Ciamar a choileanas sinn ath-thilleadh gluasad cànain? Ach cha robh ach toiseachd tòisichidh a bh’ ann agus bidh tuilleadh coinneamhan ann ach aig an dearbh àm seo ‘s e dìreach aisling a th’ ann. Ann an dòigh nach e sin a tha aig plana bòrd na Gàidhlig? ‘S e sin ri ràdh aisling agus sealladh air an àm ri teachd? Carson a bu choir do mhonopalaidh a bhith aig Bòrd na Gàidhlig, ma bhios feadhainn airson coimhearsnachd ùr a thogail orra mo làn thaic riutha. Agus ma bhios coimhearsnachd ann bhiodh an fheadhainn a bhiodh an sàs den ghnothaich os cionn na riaghailtean nach biodh? Tha Fionnlagh airson àite air an dùthaich ach chaidh moladh a dhèanamh airson a leithid coimhearsnachd ùr a bhith taobh a steach Baile mòr Inbhir Nis (à la Shaw’s Rd Beal Feirste m.e.).

Faisg air làimh an seo ann an Inbhir Narann gheibh thu dà choimhearsnachd a chaidh a thogail air adhbharan diofracithe. Ma dh'fhaoidte gum biodh sibh eòlach air 'The Findhorn Foundation', àite a thòisich ach le 3 caravans agus aisling, 's e coimhearsnachd a tha fhathast ann agus fada nas motha an dràsta. Thàinig an t-airgead leis an fheadhainn a bha deònach nan aislingean a chuir an gnìomh.
Tha àite eile air iomaill a bhaile far an deach coimhearsnachd eile a thogail, coimhearsnachd far a bheil clann mi-cheadaichte - seadh àite neònach ach chaidh a thogail. Firhall Village. Chan eil e do-dhèante gus coimhearsnachd a thogail, chan eil e mi-cheadaicte agus chan eil e mì-laghail agus tha mise a' leigeil mo làn taic do duine sam bith a tha airson sin a dhèanamh ach saoilidh mise gum bi mi a' fuireach ann a sheo ach nan robh mi nas òige bhiodh ùidh mòr agamsa.

Am biodh Fionnlagh ag obrachadh leis na buidhnean Gàidhlig, uill a-rithist, Carson a bu choir don a h-uile càil a bhith fo smachd na buidhnean ud? Tha beag chuid ann nach bi a’ gabhail gnothaich sam bi leis na buidhnean Gàidhlig air grunn adhbharan.* Agus gu dearbh ‘s bhochd nach eil a h-uile duine ann an saoghal na Gàidhlig air an aon ràimh ach chuir nam chuimhe gur e cuideigin a Bhòrd na Gàidhlig a bha bruidhinn a-mach mu dheidhinn an iomairt a tha seo mus robh fiù ‘s coinneamh ann. Seadh gu dearbh tha Fionnlagh buailteach a bhith taobh a-muigh a’ bhocsa leis a chuid bheachdan ach uaireannan ‘s ann às an sgìre sin a tha rudan ùra feumail air tighinn a nochdas aig a cheann thall sa ‘mainstream’. B’ fheàirrde leis a h-uile duine le beagan a bharrachd conaltraidh eadar Fionnlagh agus ‘Till’ agus nan buidhnean Gàidhlig ach tha tìde ann fhathast.
Chì sinn dè thachras ach ‘s ann eadar-ama nach biodh e math nan robh barrachd goireasan ri fhaighinn ann an Inbhir Nis? – Café Gàidhlig mar eisimpleir no a leithid sin far am biodh còmhradh ri fhaighinn a h-uile turas a bha thu sa bhaile mòr?



*
'Ach air an làimh eile tha feadhainn eile ann cuideachd a smaoineachas nach bidh na buidheann mòra riutha, gu bheil iad fad air falbh bhuapa. Is tric a chluinnear a leithid air Ghàidhealtachd mar eisimpleir.'

Ò Maolalaigh, Roibeard, ‘ Co-dhùnadh: A’ Ghàidhlig is a’ Ghaeilge’ ann an Gàidhealtachdan ùra/ Nua-Ghaeltachtaí, deasaichte le Wilson McLeod, Oilthigh Dhùn Èideann (2007) td118


'Ann na còmhradh eile, chaidh a mhìneachadh gun robhar a’ creidsinn ann an seòrsa de ‘mafia’ Gàidhlig, agus gun robh am mafia seo a’ cruthachadh obraichean agus cumhachd dhaibh fhèin. Fior no fallsa, tha feum air na beachdan seo a dheasbad.'

Rothaich, Gillian, ‘Gàidhlig aig an Oir’ ann an Revitalising Gaelic in Scotland: Policy, Planning and Public Discourse, deasaichte le Wilson MacLeod, Duneidin Academic Press, Edinburgh (2006), td233

▶ Thoir freagairt

Ceangal seasmhach Freagairt air a toirt le Steafan Risnidh 14 an Dùbhlachd 2008 aig 4:02am

Ged is mor leam gun soirbhich leis an oidhirp seo, tha e gam chur mun chuairt de is adhbhar nach bi daoine a' sabaid gu dubh airson sgoiltean slan Gaidhlig a steidheachadh air feadh nan Eilean Siar agus an Eilean Sgitheanaich.

Faodaidh oidhirpean eile mar seo a' dol air adhart aig an aon am. Ach tha e deatamach gun teid foghlam tron Ghaidhlig gu leir a chur air bhonn air feadh na Gaidhealtachd. 'S i a' Ghaidhealtachd an seo, na h-eileanan an iar, agus Ile, Tiriodh, Lios mor, agus aiteachan beagan air an tir mhor cuideachd. Chan e an sgire traidiseanta air fad. Gabhaidh foghlam lan Ghaidhlig a chur air bhonn anns na sgirean far a bheil na daoine "Gaidhealach" fhathast. Sin na sgirean far a bheil ceudachd mhath le Gaidhlig aca bho thus.

▶ Thoir freagairt

Ceangal seasmhach Freagairt air a toirt le Each 14 an Dùbhlachd 2008 aig 4:44pm

S'e proiseact gu math inntineach a th'ann. Ged a tha bheachd agamsa mun cuspair, tha mi taicail airson an cothrom a toirt dhuinn agus an rathaid ur a dh'fhosgail Fionnlaigh.

Chan eil dragh orm mun deasbaid air an baile fhein. Nan mhaireadh a ghaidhlig beo 's fallain feumaidh sinn toirt failte dhan bheachdan eadar dhealachte, fuis nach eil ag aontachadh leis an iomart. Chan eil feum againn idir a bith air an aon ramh.

Ach, seo an cnag na cuis, co leis a tha an baile ? Leis an dhoine a fuirich ann ? An bhith ceanard no ughdarras air ceann na coimhearsnachd ? Co leis a tha an riaghaltean ?

Tha torr suidheachadh eadar dhealachte anns an saoghal nan Gaidheal.

Dhaoine og - Luchd ionnsachaidh gun chlann
Teaghlachan - Inbhich Luchd ionnsachaidh agus clann leotha anns an foghlam Gaidhlig.
Teaghlachan fileanta sna Ghaidhlig.(far a bheil gaidhlig mar ciad canan)

Tha Fionnlaigh ag iarradh choimhearnsach far a bheil comas na canan ag fior ard ire, bhith an amas sin a cuir cnap starra air an arreamh na luchd ionnsachaidh agus an comas aca.

Ma tha riaghaltean teann a dol a bhith ann, bhiodh seo an suidheachad as doirbh airson an darna bhuidehan. (Feumaidh parant 's clann a bhith dluth ri cheile agus uaireanan chan urrainn dhaibh cum leis a gaidhlig, gu h-araidh nuair a tha suidheachadh eiginn ann, ged bol leis an ailgheas. Barrachd air a sin, tha toil neo eismeallich aig gach clan - de penneas am bith orra nuair nach eil iad a bhruidhean Gaidhlig - mar nas motha na trioblaid a bhiodh aca, nas motha a bhiodh an tarraing air falbh as a canan !

Chan eil ach an teaghlachan fileanta sna Ghaidhlig (mar ciad canan) air fhagail !

Feumaidh sinn toirt suil gearr air an ceistean diorbh math an prioseact a dol a bhith soirbhicheal.

▶ Thoir freagairt

Ceangal seasmhach Freagairt air a toirt le Nìall Beag 15 an Dùbhlachd 2008 aig 9:45pm

"Mheasg e tòrr amasan eadar -dhealaichte ri chèile,"

Sin an dearbh rud a cuireas dragh oirmsa.

Chan b' urrainn do dhaoine sam bith deasbaid fhaighinn leis, air sgàths nach eil e deònach ri bruidhinn air amas sam bith gun measgadh. Chan eil cothrom ann airson "partial agreement" no mar sin.

Chan eil mi an aghaidh a' bhaile ud, ach ma tha Fionnlaigh "involved", tha fior eagal orm nach bi e air a thogail riamh, air sgàths nach bi aonta ann riamh.

▶ Thoir freagairt

Ceangal seasmhach Freagairt air a toirt le Nìall Beag 19 an Dùbhlachd 2008 aig 1:23pm

The debate rages on at: Fòram na Gàidhlig.

▶ Thoir freagairt

▶ Thoir freagairt