Làrach ùr sòisealta tighinn a dh’aithghearr le Bòrd na Gàidhlig: cosgaidh sin £250,000 ge-tà a-rèir The Sun.

Freagairtean dhan deasbad seo

Ceangal seasmhach Freagairt air a toirt le Crìstean MacMhìcheil 7 am Faoilleach 2009 aig 10:10pm

Uill, air aon taobh, tha mi toilichte gu bheil iad airson barrachd a dhèanamh air loidhne agus gu bheil iad airson seirbheis mar seo a thabhann.

Air an taobh eile, bu toigh leam nan robh barrachd dhaoine a' gabhail ann an AbairThusa agus bu toigh leam an làrach-lìn seo leasachadh.

Ach tha mi a' smaointinn gum bidh mi a' cleachdadh an dà-chuid.

▶ Thoir freagairt

Ceangal seasmhach Freagairt air a toirt le Caoimhín Ó Donnaíle 9 am Faoilleach 2009 aig 2:45am

Cha chuala mi mu dheidhinn seo roimhe, ach tha e doirbh dhomh a thuigsinn bhon phìos a tha anns an Sun c'air son a bhiodh làrach shoisealta mar sin.

Tha e furasta dhomh a thuigsinn c'air son a tha AbairThusa - làrach fa leth far a bheil a h-uile rud (cha mhór) ag obair sa Ghàidhlig agus a h-uile duine a' bruidhinn na Gàidhlig - coimhearsnachd Ghàidhlig uile gu léir.

Tha e furasta dhomh a thuigsinn c'air son a bhiodh eadar-theangachadh Gàidhlig de Facebook - dh'fhaodadh tu a bhith ag obair tro'n Ghàidhlig mar a thogradh tu, agus cuideachd bhiodh ceanglaichean agad ri do charaidean gu léir aig a bheil a' Bheurla no cànanan eile.

Ach ma's e measgachadh de Ghàidhlig 's de Bheurla a tha gu bhith ann an mygaelic.com, mar a thuigeadh tu bhon phìos sa Sun agus mar a thuigeadh tu bhon ainm "mygaelic.com", dé feum a bhiodh aig lìon soisealta mar sin air làraich fa leth? Dh'fhaodadh e a bhith a cheart cho math ann am buidheann air Facebook.

Ach chan urrainn dhut a h-uile rud a chreidsinn a leughas tu anns an Sun. Tha am pìos an seo beagan nas soilleire:
http://deadlinescotland.wordpress.com/

Tha mi a' tomhas:
1. Nach eil ceangal sam bith aig Rosemary Ward ris a' chompanaidh Creative Cell, mar a shaoileadh tu bhon phìos sa Sun, agus mar a tha pìos aig forargyll.com a' creidsinn.
2. Gur e portal fiosrachaidh is motha a bhios ann an mygaelic.com, mar a bha Bòrd na Gàidhlig ag iarraidh, agus nach bi móran cuideim idir sa lìon soisealta aige. Cha bhi e ann an co-fharpais ri AbairThusa!

Tha mi ag aontachadh gu bheil cairteal millean a' coimhead caran mór - ach a-rithist chan eil am fiosrachadh gu léir againn - airson portal fiosrachaidh; agus gum biodh e na b'fhearr sporanan beaga a thoirt seachad airson phròiseactan mar AbairThusa agus Fòram na Gàidhlig - no fiù's duaisean às déidh làimh airson phròiseactan mar sin a tha air a bhith soirbheachail agus feumail :-)

▶ Thoir freagairt

Ceangal seasmhach Freagairt air a toirt le GunChleoc 10 am Faoilleach 2009 aig 8:34am

Tapadh leat airson an fhiosrachaidh seo a Chaomhín. Is dòcha gur e an cuid portal a bhios inntinneach is feumail agus a' cruinneachadh luchd-cleachdaidh ùr.

Ma bhiodh iad airson làrach sòisealta a-mhàin a chruthachadh, bhiodh e mòran nas fhasa is nas saoire seaorse de Ning a chleachdadh mar a rinn Crìstean.

▶ Thoir freagairt

Ceangal seasmhach Freagairt air a toirt le Sheila_M 10 am Faoilleach 2009 aig 10:53am

Tha mi ag aontachadh, s mathaid gum bi tuilleadh ri fhaighinn seach lion-soisealta, ach cha chosg e £250,000 airson 'portal' a dheanadh idir. B'urrainn dhut 'free software' a chleachdadh a-rithist airson 'portal' a dheanadh.

Bhiodh e math faighinn a-mach an deach sgrudadh mionaideach a dheanadh air a 'phroposal' aig Creative Cell agus Gillian Thomson. An deach an obair gu 'TENDER' mar eisimpleir?

Tha gu leor de chompanaidhean IT ann a dheanadh 'portal' airson leth dhen chosgais, no cairteal den chosgais - agus bhitheadh goireas miorbhaileach ri fhaighinn. Tha 'portals' miorbhaileach ann mar tha, agus cha d'chosg iad moran idir. Seo eisimpleir no dha - chan eil mi ag radh gum bi iad cho math ri mygaelic - ach tha iad rim faighinn:

http://www.portaportal.com/

No Creative Commons - portal option aca-san:

http://creativecommons.org/weblog/entry/6012

Tha mi a' smaoineachadh gu robh Bord na Gaidhlig air a bhith fada nas glice a mhor-chuid den sporran aca a chumail airson rudan nas cudromaiche na seo, portal ann no as!

Agus mar a thuirt mi, an robh 'TENDER' document ann, airson suim cho mor ri seo...? Tha torr dhaoine gu math crosda mu dheidhinn seo!

▶ Thoir freagairt

Ceangal seasmhach Freagairt air a toirt le Des Scholes 12 am Faoilleach 2009 aig 1:36pm

Bha 'tender' ann, tuilleadh fiosrachaidh air làrach Stornoway Gazette:
http://www.stornowaygazette.co.uk/news/New-website-should-give-Gael...

▶ Thoir freagairt

Ceangal seasmhach Freagairt air a toirt le Alasdair Mac a'Bhriuthainn 13 am Faoilleach 2009 aig 4:19am

http://www.walesonline.co.uk/news/wales-news/2008/06/07/facebook-ch...

.... ris a chanar "crowdsourcing" sa Bheurla. Saor an asgaidh. 'S truagh nach bi leabhraichean-sgoil cho saor.

▶ Thoir freagairt

Ceangal seasmhach Freagairt air a toirt le Dòmhnall Greumach 17 am Faoilleach 2009 aig 3:58pm

Dh’fhaodadh nach bu chòir dhuinn creidsinn a h-uile nì a leughas sinn anns an “Stornoway Gazette”, dìreach mar pàipear sam bith eile! Ge air bith gur de an seòrsa làrach-lìn a tha gu bhi ann, chaneil mi tuigsinn carson nach e “moghaidhlig.com” an t-ainm a bhiodh air.

Des Scholes said:

Bha 'tender' ann, tuilleadh fiosrachaidh air làrach Stornoway Gazette:
http://www.stornowaygazette.co.uk/news/New-website-should-give-Gael...

▶ Thoir freagairt

Ceangal seasmhach Freagairt air a toirt le Crìstean MacMhìcheil 24 am Faoilleach 2009 aig 9:00pm

Tha an deasbad seo air duilleagan an Albannach ruigsinn a-nis ann an artaigil a sgrìobh Seon C Caimbeul: Eil Bòrd na Gàidhlig a' cosg airgid air seìrbheis a th' ann mar-thà?.

▶ Thoir freagairt

Ceangal seasmhach Freagairt air a toirt le Crìstean MacMhìcheil 3 an Gearran 2009 aig 9:55am

Tha http://www.mygaelic.com/ beò a-nis. Dè ur beachdan?

▶ Thoir freagairt

Ceangal seasmhach Freagairt air a toirt le Des Scholes 3 an Gearran 2009 aig 11:05am

Tha mise ag aontachadh le na sgrìobh cuideigin thall aig Fòram na Gàidhlg, cosgail agus Prìomhachas don bheurla.

' 's e làrach mhath a th' ann.....airson luchd na Beurla. Ach 250 000 not? Gheibheadh tu am fiosrachadh a tha air an làrach seo, air làrach Comann na Gàidhlig ged nach eil cothrom ann gabhail ann mar bhall.'

▶ Thoir freagairt

Ceangal seasmhach Freagairt air a toirt le Crìstean MacMhìcheil 3 an Gearran 2009 aig 11:15am

Tha mise a' dol le sin cuideachd a Dhes.

Bha mi dìreach a' bruidhinn ri Rhoda aig gOnline. Cha robh ise airson dad a ràdh ach seo na sgrìobh AT air gOnline:

'Tha e gun chiall! Le bhith a’ coimhead air a seo - an t-airgead a chosg iad, agus na tha thu a’ faighinn. Tha e:

1. Ann am Beurla - OK ’sdocha gu bheil e airson luchd na Beurla, ach carson a tha airgead na Gaidhlig -tro Bhord na Gaidhlig - ga chosg air? Nuair a dh’fhaodadh iad a bhith ga chosg air rudan tro mheadhan na Gaidhlig.

2. Leanabail - na h-adverts - am faca daoine na h-adverts section? Cho patronising!

3. Dodgy - ceangail oifigeil ris an Sun Newspaper. Carson? Tha iad an aghaidh na Gaidhlig.

4. Chan eil na links ag obair air an larach.

5. Boring - tha cuid dhe na faclan a sgriobh iad gad fhagail nad chadal - mar eisimpleir am pios mu ‘TOURISM’ - co leughas sin? Chan e luchd-turais - tha iad ag iarraidh rud fada nas fhearr na sin.

6. Tha dathan snog air - ach sin an aon rud a tha mu dheidhinn - na dathan!'

▶ Thoir freagairt

▶ Thoir freagairt