Slade

Chaidh mi a dh'fhaicinn Slade is T-Rextasy a-raoir anns an Talla Chonsairt Rioghail ann an Glaschu. Abair deagh oidhche.

Bha Mud a' cluich cuideachd agus bha iad gu math 'tacky' le deiseachan gorma orra agus lining tiogaireach air na brogan is pocaidean aca is mar sin air adhart. Bha an ceol gu math dona cuideachd.

Ach bha T-Rextasy math fhein. Rinn iad na h-orain as fhearr aig T-Rex agus bha iad cho coltach ri T-Rex is nach biodh fios agad nach b' e Bolan fhein a bh' ann.

Bha Slade nas fhearr oir ged a tha comhlain-samhla math, tha e nas fhearr comhlan ceart fhaicinn - fiu's mur a h-eil ach an darna leth de na buill thusail air fhagail. Chan eil Noddy no Jim Lea leis a' chomhlain tuilleadh ach tha Don Powell is Dave Hill ann fhathast. Bha iad gu math trom agus bha giotaraicheas gu leor ann (chan eil fhios agam a bheil am facal giotaraicheas ann no a bheil mi direach air a chruthachadh ach is e deagh fhacal a th' ann co-dhiu!).

Chluich iad Merry Xmas Everyone aig an deireadh ged is e an Ceitean a th' ann!