Eachdraidh Ghoirid a' Chòmhlain

Eachdraidh Ghoirid a' Chòmhlain
le Tim

Thòiseach Sìne 's mise a' cluich ri chèile nuair a bha sinn a' fuireach ann an Dun Eideann anns an t-samhradh, 2002. B' àbhaist dhuinn cluich aig Banana Row Studios ann an Inbhir Leith bhon a bhiodh e gu math saor nan chuicheadh tu ann am meadhain na seachdaine. Cha bhiodh e ach coig punt gach uair, s' mar sin b' àbhaist do Shìne agus dhomhse agus do phung no thriùir eile ròcadh a-mach an sin gu tric.

Bha Sìne ag ionnsachadh nan drumaichean aig an àm agus cha robh am fuaim cho binn, ach bha e àrd! Aig an ceart àm, bha mi ri sgrìobhadh òran no dhà. Cha robh fìor chòmhlan againn fhathast ach bha e air m' aire agus bha ainm agam, "Mill a h-Uile Rud."

Nuair a thàinig sinn air ais don Stàitean, ann an 2003, thòiseach sinn ri cluich còmhla ri Sgrios (a.k.a Chris). 'S e cluicheadair-beus fìor mhath a th' ann an Sgrios agus leis an deagh bhuaidh aice, dh'fhàs sinn uileadh na bu dhìcheallaiche mu dheidhinn a' chòmhlain. Chan eil dealan aig an talamh againn, s' mar sinn, cluichidh sinn anns a' bhothan choitcheann againn le bataraidh-bàta a neartaicheas sinn anns a' bhaile bho àm gu àm.

Nuair a bha sia no seachd òrain againn, thòiseach sinn ri cluich a-mach. Cluichidh sinn anns a h-uile àite. Cluichidh sinn anns na clubaichean agus bidh sin ceart gu leòr, ach 's fheàrr leinn cluich anns na àitichean "fon talamh" aig na taighean-puinc. Bidh sinn mòran nas spòrsaile.

As dèidh an turais againn, chuir sinn romhainn CD a chlàrachadh, agus chòrd e rinn glan! 'S e daoine ghasda a th' annta, George agus Jeff, aig an stiùideo. Nam biodh barrachd airgid againn ('s mar sin, barrachd ama), bhiodh an clàrachadh na bu sgiobalta, ach 's fheàrr leinn e mar a tha e: gairbh, onarach agus beò. Seo am beachd againn fhìn co-dhiu.

Rinn sinn turas math dha rìribh ann an Alba agus Roinn Eòrpa còmhla ri Oi Polloi anns an Earrach, 2005, agus tron t-samhradh, chlàr sinn trì òrain ùra. Chaidh fear dhiubh, Steòrnabhagh, air clàr-cruinneachaidh còmhla ri Oi Polloi, Atomgevitter, agus Nad Aislingean.