Seallaidhean eireachdail thar tomhais!

Cha ghabh a chur ann am briathran beòil dè cho àlainn is a tha an t-eilean seo. Agus, sa cheàrn seo den eilean gu h-àraid, Slèite, tha seallaidhean-tìre seiseil eireachdail rim faicinn air gach taobh.

THog mi an dà dhealbh seo aig uinneag san taigh far a bheil mi a' fuireach an-dràsta ann an Slèite san Eilean Sgitheanach. 'S e an rud a th' ann nach eil aon latha coltach ris an latha roimhe a thaobh na ghabhas faicinn às an uinneag seo. Mar a tha an aimsir a' tionndadh daonnan, tha na seallaidhean-tìre a' cruth-atharrachadh dha rèir. Tha an aimsir a bhith cho caochlaideach san àite seo a' dèanamh gu bheil na dathan a thig aiste a' toirt air cruth is clàr na tìre atharrachadh iomadach uair san latha!

Seo dealbhan a thog mi bho chionn seachdain no dhà aig an aon uinneag sa bha mi madainn an-diugh.

'S e sealladh a bh' air mo làimh chlì nuair a thog mi e a th' anns an dealbh air an taobh shuas seo shìos, agus 's e a th' anns an dealbh a tha foidhe ach an sealladh a bh' air mo làimh dheas aig an aon àm, agus aig an aon uinneag anmoch sa mhadainn!


Gura math a chòrdas iad riubh!